وه‌ك نه‌ریتی‌ ساڵانه‌ی‌ خۆی‌ له‌دوای‌ ته‌واو بوونی‌ خووله‌كان، سه‌نته‌ری‌ گه‌شه‌پێدانی‌ چالاكی‌ لاوان/ئۆفیسی‌ بازیان به‌رواری‌ 13/7/2010 ئاهه‌نگێكی‌ بۆ ده‌رچووانی‌ خووله‌كانی‌ سه‌نته‌ر ڕێكخست. ئاهه‌نگه‌كه‌ تایبه‌ت بوو به‌دابه‌شكردنی‌ بڕوانامه‌ و خه‌ڵات به‌سه‌ر به‌شداربووانی‌ (خوولی‌ زمانی‌ ئینگلیزی‌ پڕۆگرامی‌ هێدوه‌ی‌ (بیگنه‌ر)، خوولی‌ دروومان، كۆرسی‌ هاوینه‌ی‌ مندالاَن). سه‌ره‌تای‌ ئاهه‌نگه‌كه‌ به‌خوێندنه‌وه‌ی‌ چه‌ند ئایه‌تێك له‌ قورئانی‌ پیرۆز به‌ده‌نگی‌ (م.ئه‌ریڤان) گۆڵپڕژێن كرا و دواتریش ووته‌ی‌ به‌خێرهاتن له‌لایه‌ن (م.مه‌ریوان ابرهیم) به‌رپرسی‌ سه‌نته‌ر خوێنرایه‌وه‌ كه‌ تیشكی‌ خسته‌ سه‌ر گرنگی‌ ئه‌م جۆره‌ خوولانه‌ له‌ وه‌رزی‌ هاویندا بۆ لاوان و ئافره‌تان و لاوانی‌ دواڕۆژ، دواتریش گۆرانی‌ (سه‌نته‌ر) له‌ لایه‌ن منداڵانی‌ سه‌نته‌ره‌وه‌ پێشكه‌شكرا، پاشانیش گرووپه‌ به‌شداربووه‌كان ڕاپۆرتی‌ خۆیان به‌ زمانی‌ كوردی‌ و ئینگلیزی‌ خوێنده‌وه‌ كه‌تیایدا سوپاس خۆیان له‌ مامۆستایان و سه‌نته‌ر كرد، هه‌روه‌ها مۆسیقاژه‌نی‌ به‌ناوبانگی‌ سنووره‌كه‌ (م.حامد) به‌ ژه‌نینی‌ پارچه‌یه‌ك مۆسیقا بۆ ساتێك ئاماده‌بووانی‌ حه‌وانده‌وه‌، له‌كۆتایشدا بڕوانامه‌ به‌سه‌ر به‌شداربووانی‌ خووله‌كان و خه‌ڵاتیش به‌سه‌ر سه‌ركه‌وتوواندا دابه‌شكرا.