كاروان – شاره‌زور
سه‌نته‌ری‌ گه‌شه‌پێدانی‌ چالاكی‌ لاوان ئۆفیسی‌ شاره‌زور به‌هاوكاری‌ ڕێكخراوی‌ RELIEF ی‌ نێوده‌وڵه‌تی‌ پڕۆژه‌ی پێگه‌یاندنی‌ كادری‌ ڕێكخراوه‌یی‌ بۆ ڕێكخراوه‌ مه‌ده‌نیه‌كانی‌ قه‌زای‌ شاره‌زور جێبه‌جێ ده‌كات.
كه‌ریم جافر به‌ڕێوبه‌ری‌ ئۆفیسی‌ شاره‌زوری‌ سه‌نته‌ری‌ گه‌شه‌پێدانی‌ چالاكی‌ لاوان به‌سایتی‌ په‌نجه‌ره‌ی‌   ڕاگه‌یاند: پڕۆژه‌كه‌ ماوه‌ی‌ یه‌ك مانگ ده‌خایه‌نێت وكۆمه‌ڵێك بابه‌تی‌ گرنگ وپه‌یوه‌ست به‌ كادرو كاری‌ ڕێكخراوه‌یی‌ تیایدا پێشكه‌ش ده‌كرێت وسه‌رجه‌می‌ وانه‌كانیش له‌لایه‌ن مامۆستایانی‌ شاره‌زاو ڕاهێنه‌رانی‌ ڕێكخراوه‌كانی‌ RELIEF)،YADC) ده‌وترێته‌وه‌ ،وه‌ پانزه‌ ڕێكخراوی‌ ئافره‌تان وقوتابیان وسه‌نته‌ری‌ لاوان به‌شدارن .
سه‌باره‌ت به‌ئامانجی‌ پڕۆژه‌كه‌ به‌ڕێوبه‌ری‌ ئۆفیسی‌ شاره‌زوری‌ سه‌نته‌ری‌ گه‌شه‌پێدان  وتی‌ :پڕۆژه‌كه‌ بۆ پێگه‌یاندنی‌ كادری‌ ڕێكخراوه‌ییه‌ له‌ناو ده‌زگا مه‌ده‌نیه‌كانی‌ شاره‌زور بۆ باشتركردنی‌ ئه‌دای‌ كاری‌ ڕێكخراوه‌یی‌ چونكه‌ له‌ئێستادا شێوازی‌ كاركردنی‌ ڕێكخراوه‌كان شێوه‌یه‌كی‌ زۆر ته‌قلیدی‌ وه‌رگرتوه‌وباش ئه‌دای‌ كاری‌ خۆیان ناكه‌ن  ئه‌توانم بڵێم ئه‌م پڕۆژه‌یه‌ ڕزگاركردنی‌ ڕێكخراوه‌كانه‌ له‌كه‌م جوڵه‌یی‌ وبێ‌ ئه‌زمونی‌ ،هاوكات هه‌وڵێكی‌ زۆر باشه‌ بۆ ئاشنا بونی‌ كه‌سانی‌ ناوڕێكخراوه‌كان به‌ سستمێكی‌ گونجاو وتازه‌ی‌ كاری‌ ڕێكخراوه‌یی‌ وچۆنیه‌تی‌ نوسینی‌ پڕۆژه‌و به‌ڕێوه‌بردنی‌ كاری‌ ده‌زگایی‌ ، یه‌كه‌مجاریشه‌ كاری‌ له‌وشێوه‌ له‌شاره‌زور ئه‌نجام بدرێت و له‌ كۆتایشدا له‌لایه‌ن ڕێكخراوی‌ RELIEFبڕوانامه‌ ئه‌درێته‌ كادره‌كان .