سه‌ر له‌به‌یانی‌ ئه‌مڕۆ له‌ شاری‌ سلێمانی‌ له‌ به‌ڕێوه‌به‌رایه‌تی‌ وه‌زاره‌تی‌ ڕۆشنبیری‌ و لاوان كۆبوونه‌وه‌یه‌ك سازكرا سه‌باره‌ت به‌ پڕۆژه‌ پلانێك كه‌ ئاماده‌كرابوو له‌ لایه‌ن وه‌زاره‌تی‌ ناوبراوه‌وه‌ بۆ گفتوگۆكردن له‌ سه‌ر پڕۆژه‌ پلانه‌كه‌ بۆ خۆ ئاماده‌كردن بۆ كۆنفرانس كه‌ بڕیاروایه‌ ڕۆژی‌ 10/8/2010 له‌ شاری‌ هه‌ولێری‌ پایته‌خت سازبكرێت. ئه‌وه‌ی‌ جێگه‌ی‌ نیگه‌رانی‌ بێت خه‌م ساردی‌ ڕێكخراوه‌كانی‌ لاوان بوو كه‌ به‌ ته‌نها (3) ڕێكخراو ئاماده‌ی‌ دانیشتنه‌كه‌ بوون هه‌ر به‌هۆی‌ كه‌می‌ ئاماده‌بووانی‌ ڕێكخراوه‌كان كۆبوونه‌وه‌كه‌ هه‌ڵوه‌شێنرایه‌وه‌.. شوان عبد الله به‌رپرسی‌ پڕۆژه‌و په‌یوه‌ندیه‌كانی‌ ئۆفیسی‌ سلێمانی‌ كه‌ ئاماده‌ی‌ كۆبوونه‌وه‌كه‌ بوو  به‌م شێوه‌یه‌ دوا..دوێنێ‌ ئێمه‌ وه‌ك نوێنه‌ری‌ سه‌نته‌ری‌ گه‌شه‌پێدانی‌ چالاكی‌ لاوان له‌ لایه‌ن به‌ڕێوه‌به‌رایه‌تی‌ وه‌زاره‌تی‌ ڕۆشنبیری‌ و لاوان ئاگادار كراین  كه‌ له‌ به‌رواری‌ 27/7/2010 وه‌فدێكی‌ وه‌زاره‌تی‌ ڕۆشنبیری‌ و لاوان له‌ هه‌ولێره‌وه‌ دێن بۆ سلێمانی‌ بۆ گفتوگۆكردن له‌سه‌ر پرۆژه‌ پلانێك به‌ڵام ئه‌وه‌ی‌ جێگه‌ی‌ داخ بێت ئه‌وه‌یه‌ كه‌ به‌ شداری‌ نه‌كردنی‌ ڕێكخراوه‌كان بووه‌ هۆی‌ هه‌ڵوه‌شاندنه‌وه‌ی‌ دانیشتنه‌كه‌ ئه‌مه‌ش ده‌گه‌ڕێته‌وه‌ بۆ دره‌نگ ئاگاداركردنه‌وه‌ی‌ وه‌زاره‌ت بۆ ڕێكخراوه‌كان و پاشانیش خه‌م ساردی‌ هه‌ندێ‌ ڕێكخراو.......